D‘Ursaach vum Feier – deem schlëmmsten a Groussbritannien zanter dem Zweete Weltkrich – wiere joerzéngtelaang Versäumnisser an Inkompetenz vun de respektive Regierunge gewiescht an zum Deel och Profitgier.
Am Rapport gëtt och déi systematesch Onéierlechkeet vun de Entreprisen am Secteur vum Bau-Material ugeprangert. Déi brittesch Regierung géif alles maachen, fir datt et ni méi zu sou enger Tragedie kënnt, esou de Premier Keir Starmer.
D‘Feier war deemools am 4. Stack vum Grenfell Tower ausgebrach an hat sech immens séier iwwer d‘Fassad vum Sozialbau ausgebreet. D‘Isolatioun an d‘Verkleedung vun der Fassad hunn dobäi wéi e Brandbeschleuneger gewierkt.