De Protest-Streik an Israel misst awer elo direkt ophalen, dat hält een Aarbechtsgeriicht zu Tel Aviv fest. D'Argument wier, datt et ee politesche Streik wier an et keng ekonomesch Justifikatioun dofir géif ginn.
De Gewerkschafts-Daachverband hat am Fong de ganzen Dag laang ee Stëllstand an Israel geplangt. Zil ass et, den Drock op de Regierungschef Benjamin Netanjahu ze verschäerfen, fir datt hien en Deal mat der Hamas mécht fir d‘Geiselen, déi nach an der Gewalt vun der islamistescher Terrororganisatioun sinn, fräizekréien.
Dem US-President no, géif de Benjamin Netanjahu net genuch maachen, fir zu engem Accord mat der Hamas ze kommen. Dat sot de Joe Biden virun der Press.