Op engem Wirtschaftsforum zu Wladiwostok sot hien haut, datt ee sech net weigere géif, wann d‘Ukrain ëm ee Gespréich biede géif. De Wladimir Putin huet awer betount, datt dës Gespréicher op den Dokumenter baséiere missten, déi ugangs 2022 zu Istanbul festgehale goufen. Dës Texter goufen awer ni verëffentlecht an d‘Ukrain huet eng Eenegung ëmmer dementéiert.
Op deem Wirtschaftsforum zu Wladiwostok huet de Putin iwwerdeem och ugekënnegt, déi demokratesch Kamala Harris bei den US-Presidentschaftswalen am November ze ënnerstëtzen. Dat een Dag no de Virwërf vun der US-amerikanescher Regierung, sech an den aktuelle Presidentschaftswalkampf anzemëschen.