An der Uewerstad wier de Bilan relativ positiv ausgefall sou d‘Mireille Rahmé-Bley. Och wann de Ree mat Momenter d‘Leit verdriwwen hätt, wieren se awer duerno nees zeréckkomm.
„A wat och ganz nei war dëst Joer: Et sinn och ganz vill Leit, déi geschafft hunn an déi nom Feierowend nach an d’Stad komm sinn an déi wierklech profitéiert hunn, bis 7 Auer owes, fir nach eng gutt Affär ze maachen.”
Och op der Gare wier d‘Braderie gutt gelaf. Do wieren awer nom Reen d‘Leit net méi wierklech zeréck komm.
D‘Presidentin vum Stater Geschäftsverband mengt och net, datt d‘Konzept vun der Braderie iwwerholl wier. Dëst Joer hätten zum Beispill méi Geschäftsleit matgemaach wéi zejoert. Fir d‘nächst Joer géif ee sech hoffen, datt der nach eng Kéier méi bäikommen.