Sample vun der Woch
Soul II Soul - Back to Life
4 min
D'Grupp gouf vum Produzent Jazzie B gegrënnt. Si huet hiren Debutalbum "Club Classics Vol. 1” am Joer 1989 erausbruecht an huet et direkt an d’UK- a US-Charts geschafft. Op dësen Album sinn hir grouss Hits, wéi zum Beispill "Back to Life (However Do You Want Me)" a "Keep On Movin'".
Soul II Soul si bekannt fir hir Mëschung aus R&B, Soul, Dance a Reggae. Si hunn e frësche Sound kreéiert, deen och Elementer vun Hiphop integréiert. Si waren eng vun den éischte brittesche R&B-Gruppen, déi internationalen Erfolleg haten. D'Grupp huet ee Grammy Award an aner renomméiert Präisser gewonnen.
Soul II Soul sinn nach haut nach aktiv an der Musekszeen. Si bleiwen en iwwerzeegend Beispill fir d'Kombinatioun vu musikalesche Genren an engagéierte Live Optrëtter an hu mat hirem Sound Generatioune vu Museker a Museksfans inspiréiert.
De Song "Back to Life" ass en ikonescht Stéck, dat net nëmmen d’Grupp bekannt gemaach, mee och eng nei Richtung an hirer musikalescher Karriär bedeit huet. Et war déi zweet Single a koum 1989 eraus. Et ass eng gelonge Mëschung aus R&B an Hiphop.
D'Stëmm vun der Sängerin Caron Wheeler widderhëlt wärend dem Lidd “Back to life, back to reality”. Dëst Theema ass eng universell Botschaft, mat där sech vill Leit identifizéiere konnten. Dësen Drang no Fräiheet war e Leitmotiv an den 80er Joren, dat ëmmer erëmkoum an dat och zum Succès vun der Grupp bäigedroen huet.
Esou ass et kee Wonner, datt si esou dacks gesampelt goufen. E klassescht Beispill am Rap wier hei zum Beispill The Game, deen säin “However Do You Want It” doraus gemaach huet.
De Kanye West huet mat sengem Sunday Service Choir eng Gospel-Versioun doraus gebastelt a se “Back to Life” genannt.
De Late Nite Tuff Guy mécht hei eng laidback DJ Friendly Versioun doraus an nennt se “Reality”.
An dee klengen Deel vum Refrain gouf Dosende Mol an der elektronescher Musek gesampelt, hei e rezent Beispill vun der Grupp Bicep. Si benotzten d’Lidd vu Soul II Soul fir “Darwin” doraus ze maachen.
Episoden
Bobby Womack - How Could You Break My Heart
Deen amerikanesche Sänger, Songwriter, a Gittarist ass bekannt fir seng Bäiträg zu Soul, R&B, a Gospelmusek. Seng Samples si besonnesch beléift am Hiphop an R'n'B.
Bob James - Shamboozie
Deen amerikanesche Jazzpianist, Arrangeur a Komponist ass besonnesch bekannt fir seng Roll am Smooth Jazz-Genre an ass zanter bal 5 Joerzéngten aktiv. Hien ass e Favorit bei allen Hiphop-Produzenten.
Billy Garner - I Got Some
Hien ass warscheinlech am meeschte bekannt fir seng Single "I Got Some" aus dem Joer 1970, déi och vill am Hiphop gesampelt gouf. gesampelt gou
Bill Doggett - Honky Tonk
De Bill Doggett war en amerikaneschen Organist, Pianist a Komponist. Hien ass virun allem bekannt fir säin Hit "Honky Tonk", deen hien international bekannt gemaach huet. E gouf och dacks am Hiphop gesampelt.
Barney Kessel - The Look of Love
De Barney Kessel war en amerikanesche Jazzgittarist, ee vun de bedeitendste Gittariste vum 20. Joerhonnert. Seng aussergewéinlech Technik huet him e festen Numm an der Geschicht vum Jazz abruecht.
Babe Ruth - The Mexican
Babe Ruth, eng brittesch Rockband, déi an den 1970er Jore gegrënnt gouf, si fir hire markante Mix aus Hard Rock, Progressive Rock, a Funk bekannt. Si goufen erfollegräich vun Hiphop-Kënschtler gesampelt.
Aretha Franklin - One Step Ahead
D'Aretha Franklin war eng vun de bedeitendsten amerikanesch Sängerin a Songwriterin vum 20. Joerhonnert. Si gëtt dacks als "Queen of Soul" bezeechent.
Ann Peebles - Troubles Heartaches And Sadness
D‘Ann Peebles ass eng amerikanesch Soul- a Bluessängerin, déi an den 1970er Jore besonnesch populär war. Si ass bekannt fir hire "Memphis Soul" Sound a gouf ënner anerem vum Wu-Tang Clan gesampelt.
RHYTHM - RHYTHM
RHYTHM goufen am Dezember 1971 zu Boston gegrënnt. Hiren Album "RHYTHM" ass eng richteg Freed fir Funk- a Soul-Libhaber. Si goufen ë. a. och vum verstuerwene Rapper Nipsey Hussle gesampelt.
Isaac Hayes - Tough Guys
Den Isaac Hayes war eng amerikanesch Museksikon, bekannt als Sänger, Songwriter, Schauspiller a Produzent. Esou ass et kee Wonner, datt hie ganz beléift am Hiphop ass.
Don Blackman - Holding You, Loving You
Den Don Blackman war en amerikanesche R'n'B- an Jazz-Pianosspiller a Singer/Songwriter, gebuer 1953 New York. Hien huet seng musikalesch Karriär fréi ugefaangen a gouf zu enger markanter Figur am Jazz a R'n'B.
ZAPP - Be Alright
Zapp ass eng amerikanesch Funk-Band, 1977 gegrënnt. Si si virun allem bekannt fir hir innovativ Notzung vun der Talkbox an hir energesch Funk-Beats. Si sinn eng vun de meescht gesampelten Gruppen am Hiphop.
Tyrone Davis - In The Mood
Den Tyrone Davis war en amerikanesche Soul- a R&B-Sänger, dee besonnesch an den 1960er an 1970er Joren erfollegräich war. Gebuer als den Tyrone Fettson de 4. Mee 1938 zu Greenville, Mississippi.
The Sylvers - Cry Of A Dreamer
The Sylvers ass eng amerikanesch R&B- a Soul-Band, déi an den 1970er Jore berüümt gouf. D'Band besteet aus de Geschwëster Sylvers, déi zu Memphis, Tennessee opgewuess sinn.
The O'Jays - Darlin’ Darlin’ Baby
The O'Jays, eng amerikanesch R&B-Grupp, 1958 zu Canton, Ohio, gegrënnt, ass eng vun de bekanntste Bands am Philadelphia-Soul-Genre an huet an den 1970er Joren eng ganz Rei vun Hits erausbruecht.
The Main Ingredient - Magic Shoes
The Main Ingredient ass eng amerikanesch R&B/Soul-Band, 1964 gegrënnt a besonnesch bekannt fir hir Hitsingle "Everybody Plays the Fool" aus dem Joer 1972.
The Korgis - Everybody's Got To Learn Sometime
The Korgis ass eng brittesch Pop-Band, déi 1978 gegrënnt gouf. Si si besonnesch bekannt fir hir Hitsingle "Everybody's Got to Learn Sometime" aus dem Joer 1980.
