D'ADR wier vun der Schwäizer "Non Violence Licensing SA" kontaktéiert ginn, déi d'Rechter vum geeschtegen Eegentum vun der Stëftung The „Non-Violence Project“ vertrëtt. D'ADR hätt dem Affekot vun der Stëftung hirersäits per Affekotebréif matgedeelt, datt si sech am Recht gesäit, dat Bild fir Walplakater ze benotzen an d'Partei géif elo op eng Reaktioun vun der Stëftung waarden.
D'Plakater géifen elo mol stoe bleiwen, sou de Fernand Kartheiser, dee betount, datt d'Europawalcampagne lo souwisou geschwënn eriwwer wier an dono sämtlech Plakater no an no ewech geholl géife ginn. D‘Partei léist deemno och d‘Frist versträichen, déi d‘Stëftung „The Non-Violence Project“ der ADR op haut Freideg, den 31. Mee fixéiert hat. D'Wort hat fir d'éischt iwwer de Bréif an iwwer d'Frist bericht.