Joerzéngte laang hat si ee politescht Mandat am Departement Corrèze. Si huet sech do virun allem fir sozial Froen, d'Gesondheetswiesen an d'Interesse vun deenen eelere Leit agesat.
D'Bernadette Chirac huet dobäi als méi konservativ wéi hire Mann gegollt. Si war awer beléift bei de Fransousen, notamment wéinst hirer Aktioun vun de "pièces jaunes", also der Campagne mat der Geldmënze gesammelt goufen zu Gonschte vu Kanner am Spidol.
2023 war hiert Liewen an hiren Emanzipatiounsprozess aus dem Schied vun der politescher Elite eraus am Film "Bernadette" erzielt ginn. D'Catherine Deneuve huet dobäi déi Verstuerwe gespillt.
