Politesch hunn d'Biller, déi ëm d'Welt gaange sinn, fir vill Reaktioune gesuergt. Haut sollen d'EU-Inneministeren zesummekommen, fir iwwer d'Situatioun ze schwätzen.
Lëtzebuerg steet hanner Spuenien
Ënner anerem Italien, ënner der rietspopulistescher Premierministesch Georgia Meloni, mécht Drock a fuerdert Spuenien aus dem Schengenraum auszeschléissen. Dänemark a Finnland hu sech hanner déi Fuerderung gestallt.
Spuenie steet mat senger Positioun an der EU relativ eleng do. 22 EU-Länner hunn ee Bréif ënnerschriwwen, deen d'Responsabilitéit bei der spuenescher Migratiounspolitik sicht. Lëtzebuerg, grad wéi Frankräich, Portugal an Irland, huet dee Bréif net mat ënnerschriwwen a sech hanner Spuenie gestallt. De Premier Luc Frieden huet fonnt, Spuenien hätt d'Situatioun gutt gemeeschtert, esou de Premier am 100,7-Interview.
Lauschtert hei déi ganz Erklärunge vun eiser Korrespondentin Agathe Cherki
