D'Smartphonë ginn de ganzen Dag, och wärend de Pause verbueden. Si mussen ausgemaach an am Schoulsak gelooss ginn. Fir pedagogesch Zwecker dierfe si ënner Opsiicht vum Enseignant awer an den Asaz kommen an och wann d'Kand e medezinesche Besoin huet.
Fir d'Lycéeën dann trëtt no der Päischtvakanz, vum 2. Juni un, eng nei Reegelung iwwer d'Smartphonen a Kraaft. Do ass net rieds vun engem Verbuet, de Ministère schreift awer, datt d'Smartphonë vun deem Datum un aus de Coursen ausgeschloss ginn.
Wärend de Schoulstonnen ass eng Trennung vun de Schüler:innen an hirem Smartphone obligatoresch. All Lycée soll eng Charta ausschaffen, déi dëst garantéiert.
