Fir déi nächst Deeg wieren dofir Entrevuë mat Vertrieder:inne vum Secteur geplangt, esou den Eric Thill.
De Kulturminister bleift awer éischter vage, ob a wéi eng finanziell Hëllefen zur Verfügung gestallt kënne ginn. Zejoert hätt een 180 Milliounen Euro op den Dësch geluecht.
"Fir déi nächst véier Joer dem Secteur eng gewësse Stabilitéit a Previsibilitéit ze ginn."
Minister weist sech optimistesch
Déi selektiv finanziell Hëllefe missten zum Deel nach adaptéiert ginn, esou de Minister.
"Dat gëtt elo gemaach, datt d'Geld och wierklech do ukënnt, wou et gebraucht gëtt. Zweetens, an da musse mer eis och drëttens als Regierung Gedanke maachen, infrastrukturell, fir do de Point ze maachen an ze kucke wat ass do méiglech."
Elo misst een un den Infrastrukture schaffen.
"An do musse mer elo kucke wat de Secteur seet, wat et vu Méiglechkeete gëtt. An da sinn ech do gudder Déng, datt mer zesumme wäerten eng Léisung fannen."
Och de President vun der ULPA, der Unioun vun de Produzenten aus dem audiovisuelle Beräich, gesäit keng generell Kris am Filmsecteur.
Et wier een awer zënter enger Rei Jore mat verschiddene Problemer confrontéiert, esou den Donato Rotunno am 100,7-Interview.
Lauschtert hei dee ganzen Interview mam DP-Kulturminister Eric Thill
