Vun haut un iwwerhëlt och den neie Procureur général d’Etat John Petry an der Cité judiciare offiziell seng Fonctioun. A senger Ried huet de John Petry op d’Wichtegkeet vun enger neutraler Justiz insistéiert. Mat Bléck op Länner wéi d’USA, Israel an och europäesch Länner, huet den neie Procureur général d’Etat bedauert, datt de Rechtsstaat plazeweis a Gefor wier.
Dëse Samschdeg lancéiert d’Justiz eng Campagne fir méi Personal ze rekrutéieren. Dat huet den Thierry Hoscheid, President vun der Cour supérieure de justice, um Donneschdeg annoncéiert. Et solle 50 Attachés de justice rekrutéiert ginn.
Zu Lëtzebuerg wier d’Justiz gutt opgestallt fir onofhängeg vun der Politik ze bleiwen. De John Petry huet zënter dem 1. Februar d‘Successioun vun der Martine Solovieff iwwerholl.
