Fraen am Afghanistan mussen hire ganze Kierper verstoppen. Meedercher a Fraen dierfen net an d’Parke goen an hu keen Zougang zu villen Aarbechtsplazen.
Den Afghanistan ass dat eenzegt Land op der Welt wou Fraen net dierfen an de Secondaire oder op der Uni studéieren.
Keen Handy, keng Filmer a keng Musek
D’Populatioun ënnerläit drastesche Verbueter, Et ass net erlaabt Musek ze lauschteren, Filmer ze kucken oder een Handy ze hunn.
Der Organisatioun Reporter ouni Grenzen no, hunn d’Leit och keen Zougang zur Informatioun.
D’Taliban ware viru fënnef Joer no enger kuerzer Offensiv un d’Muecht komm. Dat nodeems d’USA wärend 20 Joer d’Taliban am Afghanistan bekämpft hunn an dunn hir Truppen ofgezunn hunn.
