D'CSV-Ministesch betount och, datt d'Tariffer, fir de Stade de Luxembourg ze lounen, duerch d'Taxereglement vun der Stad fixéiert ginn. Et géif awer och eng Optimisatiounsmarge gi wat d'Benotze vum Stadion ugeet. Virun allem a Saachen organiséiert Evenementer, esou d'Ministesch.
Virun engem decke Mount hat de President vum Fussball-Champion Biissen an engem Interview bei de Kolleege vum Quotidien bedauert, datt de Sportsministère de Stade de Luxembourg net géif zur Verfügung stellen. Dee géif nëmme fënnef bis sechs mol d'Joer genotzt ginn, an et kéint een als Veräi keng 50.000 Euro bezuele fir en ze lounen.
