Zuchverbindunge goufen ënnerbrach a Flich gestrach. Schoule sinn zoubliwwen an ënnert anerem den Autobauer Toyota huet de Betrib a senge 14 Wierker am Land gestoppt. Den Taifun Shanshan ass nëmme lues ënnerwee, mat ronn 15 Stonnekilometer a Wandvitesse vu bis zu 180 Kilometer an der Stonn.
Doduerch sinn d‘Gefore méi grouss, well staarke Wand a Reen a verschidde Gebidder méi laang Zäit kënnen unhalen. De japanesche Premierminister Fumio Kishida huet seng Ministeren opgefuerdert, all néideg Moossnamen ze treffe fir Mënscheliewen ze schützen.