Beim System, dee mobil Geräter wéi Smartphonen an Tablette fir den CTIE geréiert, wier e Problem fonnt ginn.
Eng Malware wier detektéiert ginn, also eng Software, déi Schued soll maachen.
Keen Accès iwwer mobil Geräter
De betraffene System wier preventiv isoléiert ginn, esou datt domat den Accès op mobil Apparater zënter gëschter Owend net méiglech ass.
“Doduerch ass den Accès op déi intern Servicer vum Staat via déi mobil Geräter säit Donneschdeg Owend net disponibel.”
De CTIE hätt d’Ministèren an Administratiounen iwwer dës Indisponibilitéit informéiert.
Iwwer Computer wieren déi intern Servicer vum Staat weiderhin operationell, esou de Ministère fir Digitaliséierung.
“D’Servicer vum Staat sinn a bleiwen awer ganz normal via Computer accessibel a komplett operationell.”
D’Analyse vun dësem Incident wieren de Moment nach amgaangen, heescht et.
CTIE: Biergerinnen a Bierger net betraff
Op eis Nofro hin, ënnersträicht de CTIE, datt d‘Bierger net betraff sinn. Och d‘Schoulen, mat den Tablets déi d‘Proffe gebrauchen, wieren net concernéiert.
