Den amerikanesche Vizepresident JD Vance war onzefridden aus Israel ofgereest. Dat israeelescht Parlament hat wärend senger Visitt iwwerraschend e Plang vun der Oppositioun, fir Deeler vum Westjordanland ze annexéieren, ugeholl.
Hie géif sech doduerch perséinlech beleidegt fillen, sot den JD Vance. Dat wier e ganz domme politesche Stunt vun der Knesset. D‘Westjordanland géif net vun Israel annexéiert ginn. Dat wier déi onverännert politesch Linn vun der US-Regierung, esou den US-Vizepresident.
WHO: Rëm-Opbau vum Gesondheetssystem kascht wuel ronn 7 Miilarden Dollar
D‘Weltgesondheetsorganisatioun schätzt iwwerdeems, datt 7 Milliarden Dollar néideg sinn, just fir de Gesondheetssystem an der Gazasträif rëm opzebauen. Et géif kee Spidol méi an der Gazasträif ginn, dat nach ganz operationell ass. Just nach 14 vu 36 Klinicke géifen deelweis fonctionéieren.
Donieft géif et eng schro Penurie u Medikamenter, Equipementer a Personal ginn, esou d‘WHO.
