Den Delai war schonn am Joer 2024. Bis haut hätt Lëtzebuerg d’Kommissioun awer net iwwer entspriechend Mesuren informéiert, heescht et an engem Communiqué.
D’Kommissioun huet aus dem nämmlechte Grond och géint Zypern eng Prozedur lancéiert.
Béid Länner hunn elo zwee Méint Zäit, drop ze äntwerten. Maache si dat net, ginn déi nächst Schrëtt ageleet, esou d’Kommissioun.
Keng kloer Berechnungsmethod
Zu Lëtzebuerg läit bis elo ee Projet de loi vum August 2024 vir. De Staatsrot hat a sengem Avis kritiséiert, datt dora keng kloer Berechnungsmethod fir de Mindestloun duergestallt gëtt.
Fir déi Method mécht d’EU-Direktiv Virgaben, si haten zu Lëtzebuerg fir Diskussioune gesuergt.
Den Aarbechtsminister Marc Spautz hat am Abrëll, also virun der Tripartite, annoncéiert, datt hien nach virum Summer en neie Projet presentéiert.