Do hat e Spiller nom Match zu Käerjeng aus reliéise Grënn refuséiert, Supporterinnen d‘Hand ze ginn.
D‘Ministerinne fir Gläichstellung a Sport nennen de Fall net konkreet, mee si schreiwen: Reliéis Iwwerzeegunge kéinten eng gesetzlech verbueden Diskriminéierung opgrond vum Geschlecht net rechtfäerdegen.
Iwwer de Fall war et grouss Opreegung, virun allem an de Soziale Medien, ginn.
Jeunesse huet Ethikkommissioun saiséiert
Et géif den Ament keng Richtlinnen oder Recommandatioune ginn, wéi Sportsveräiner oder d‘Federatioune mat esou Konflikter sollen ëmgoen, schreiwen d‘Ministerinnen nach. D‘Escher Jeunesse huet nom Virfall d‘Lëtzebuerger Agence fir Integritéit am Sport an déi National Ethikkommissioun saiséiert.
