Anescht wéi den US-Ausseminister Marco Rubio a senger Ried duegestallt hat, wier Europa net vun enger Massenimmigratioun bedrot, esou d‘EU-Baussepeotraagten. D‘Kaja Kallas huet weider gewarnt, Russland ze vill Muecht ze iwwerloossen, an d‘Stäerkt vun Europa betount.
Am Mëttelpunkt vun den Diskussioune op der Münchener Sécherheetskonferenz stoungen déi transatlantesch Relatiounen tëschent Europa an den USA. Den US-Ausseminister Marco Rubio reest vu München weider an d‘Slowakei, wou hien de slowakesche Premier Robert Fico treffe wäert. Dobäi soll et ënnert anerem ëm d‘Zesummenaarbecht a Saachen Atomenergie goen.
Um drëtten Dag geet d‘Münchener Sécherheetskonferenz haut um Sonndeg de Mëtteg op een Enn. Um Programm stinn nach Riede vun ënnert anerem der EU-Baussebeoptraagte Kaja Kallas an der Presidentin vun der europäescher Zentralbank Christine Lagarde.
De fréieren däitschen Diplomat Wolfgang Ischinger wäert d‘Konferenz offiziell clôturéieren.
Iranesche Protestpiquet zu München
Um Bord vun der Sécherheetskonferenz hunn iwwer 200.000 Leit géint den iranesch Regime demonstréiert. De Reza Pahlavi huet um Protestpiquet deelgeholl. De Jong vum gestierzten iranesche Schah war och en Invité op der Sécherheetskonferenz.
