An der Äntwert op eng parlamentaresch Fro vun der ADR erkläert den Educatiounsminister, datt elo eng Rëtsch Mesuren agefouert goufe fir d‘Situatioun ze berouegen.
Dat ganzt Léier- an Erzéiungspersonal hëlt u Formatioune fir Deseskalatiounstechniken a Klassemanagement deel. Bei all Tëschefall am Zesummenhang mat Aggressioun, Gewalt oder enger schwéierer Stéierung vum Schoulalldag, ginn d’Elteren direkt a proaktiv informéiert.
Méi Support fir betraffe Schüler:innen
An der Schoul ass och elo systematesch e qualifizéierte Schoulpsycholog present an et gouf eng Educatrice graduée zur Verfügung gestallt, déi sech mat de betraffene Kanner beschäftegt.
D‘Stonnen, déi fir d’Interventioun vun engem spezialiséierten Enseignant fir Kanner mat spezifesche Besoine virgesi sinn, goufen eropgesat an en huet en Assistent bäikritt. Donieft goufen zwee zousätzlechen Enseignantsposte geschaf.
