Nostalgesch a lëfteg – esou kléngt di nei Indie Rock Nummer vun de schotteschen Zwillingen déi sech „Cloth“ nennen. Indie Rock vun heiheem liwweren d‘Jungs vun Autumn Sweater, déi kierzlech hir nei Wëlzer Chalet- opgeholle Plack „Adult Life“ verëffentlecht hunn (Liest eis Albumbespriechung hei: Link). Wann dir dëse Weekend iech ënnert di waarm Decke verschanze wëllt da proposéiere mir franséischen Neo-Soul aus den Hänn vun der „Enchantée Julia“ (oui, très enchantée) oder di nei, ganz romantesch Nummer vun der englescher Singer-Songwriterin Anna B Savage. Dir wëllt éischter Musek déi aus der Panz kënnt? Da sidd der bei der neier Single vun der Sharon Van Etten gutt zervéiert.
Op d‘Oueren! 06.12.2024
- Cloth - Polaroid
- Autumn Sweater – Adult Life
- Enchantée Julia – Save Me
- Sharon Van Etten – Southern Life (What It Must Be Like)
- Anna B Savage - Lighthouse
