No engem Treffe mat enger Delegatioun vum US Kongress huet hien zu New York säi sougenannte „Plang fir eng Victoire“ annoncéiert. Dee géif Russland praktesch zum Fridden zwéngen, huet de Selenskij op der Plattform X geschriwwen.
Der brittescher Zeitung Times no, géif hie vu westleche Länner Sécherheetsgarantie fuerderen, déi änlech sinn, wéi déi vun enger Nato Memberschaft.
Den ukrainesche President soll haut un enger Sëtzung vum UNO Sécherheetsrot deelhuelen, a viraussiichtlech muer bei der UNO Vollversammlung eng Ried halen.