Verschidden Aspekter, wéi zum Beispill d‘Performance vun de Filter, d‘Resistenz géint extern Impakter an d‘Gestioun vun Noutsituatiounen, missten nach eng Kéier vum franséische Bedreiwer EDF méi genee ënnert d‘Lupp geholl ginn, fir déi héchst méiglech nuklear Sécherheet ze garantéieren, heescht et am Schreiwes.
D‘Regierung widderhëlt iwwerdeems hir Positioun, datt Atomzentralen, bei deenen ee Risiko besteet – wéi Cattenom a Frankräich oder Tihange an Doel an der Belsch – ganz missten zougemaach ginn.