Dat sinn 3 Joer méi fréi ewéi um Ufank geplangt. Den Tunnel ass tëscht dem Quartier Stade an dem CHL geplangt, a wier 550 Meter laang. Op där neier Streck si 4 Statioune virgesinn déi all iwwerierdesch sinn.
D’Tramstreck op der Escher Strooss déi d’Stäreplaz mat der Cloche d’Or verbënnt, soll prioritär gebaut ginn, an 2031 fäerdeg sinn, well se eng wichteg Verbindung duerstellt.
Detailer gouf et iwwert de séieren Tram op Esch. Dee wäert plazeweis kënne mat bis zu 85 Kilometer an der Stonn fueren. Déi éischte Statioun zu Leideleng kéint 2028 operationell sinn.
Donieft gëtt och nieft dem Stadion op der Cloche d’Or een neien Tramsschapp gebaut.
Kritik vun déi gréng
Déi gréng hunn an engem Communiqué hir Bedenke geäussert. Wann elo nei Etüde misste gemaach gi wéinst neie Varianten, da kéint dat zu Retarde féieren beim Ausbau vum Tram. Ee Fortschrëtt wier dat also net, kritiséieren déi gréng.