D’lescht Woch war schonn een 22 Joer ale Student an der Géigend vun der Uni ugegraff ginn an u senge Blessure gestuerwen.
Uni a Stad an déiwer Trauer
Dës Doten hätten d’Stad Tréier déif getraff an erféiert, esou de Buergermeeschter vun Tréier an engem Communiqué. Vun haut de Mëtteg hallwer zwou u läit am Biergerzenter e Kondolenzbuch aus, heescht et weider.
D‘Uni Treier schreift op hirem Internet Site, et wier ee fassungslos an an déiwer Trauer. Elo wier et wichteg fireneen do ze sinn an zesummenzehalen. Fir muer de Mëtteg ass an der Kapell um Campus zwee eng Gedenkminutt geplangt – dobäi soll och eng psychologesch Betreiung garantéiert sinn.
Police geet vu Mord aus
Méi genee Detailer zu der Dot ginn et nach net, esou d’Police.
Déi 29 Joer al Fra gouf de Sonndeg dout an hirer Wunneng fonnt, dat nodeems hir Mamm si als vermësst gemellt hat. D’Police sicht aktuell no Zeien.
