“D’Aussoe vum Här Fautsch si reng spekulativ”, huet de Ministère dem radio 100,7 op Nofro geschriwwen.
D’Wort hat geschriwwen, datt d’W.S.A. zu Suessem vu méigleche Kierzunge kéint betraff sinn. An de fréiere Colonel Patrick Fautsch hat do gesot, datt et net onrealistesch wier, datt US-Truppen aus Europa kéinten ofgezu ginn.
W.S.A.: Hub fir belsch-lëtzebuergesche Batailloun
Dem Verdeedegungsministère no, stéing d’Regierung zur W.S.A. zu Suessem, op där de logisteschen Hub vum geplangte belsch-lëtzebuergesche Kampfopklärungsbatailloun soll entstoen.
Wéi et ëm d’Zukunft vun der W.S.A. zu Suessem steet, wollten och déi béid LSAP-Deputéierter Yves Cruchten a Georges Engel vum Premier a vun der Verdeedegungsminister wëssen: Déi parlamentaresch Fro vun ee Mëttwoch ass nach net beäntwert.
