Fräie Mikro
E Weltkrich oder e weltwäite Krich?
Mëtt Oktober huet de François Heisbourg, President vun deem renomméierten International Institute for Strategic Studies dem Nouvel Observateur en interessanten Interview ginn. Ophänkert war dem Nouvel Observateur säin Haaptdossier: "La troisième guerre mondiale a-t-elle commencé?" Dem Politolog Heisbourg no hu mer am Moment kee Weltkrich, mee e weltwäite Krich. Op verschiddene Plazen op der Welt stinn sech Kontrahenten a Konflikter géintiwwer, déi méi oder manner regional sinn a bleiwen. Op anere Plaze gräifen déi Grouss direkt a lokal Konflikter an a maachen se esou extrem geféierlech.
De François Heisbourg vergläicht déi ablécklech Situatioun net mat engem Weltkrich, mee éischter mam Drëssegjärege Krich, enger Rei vu bewaffnete Konflikter, déi Europa vun 1618 bis 1648 zerrappt hunn. Fir hie sinn d’Konflikter tëschent de Protestanten an de Katholike vun deemools komparabel mat dem Sträit tëschent de Sunniten a Schiiten haut. Wat natierlech an enger globaliséierter, vernetzter an atomiséierter Welt de Risiko vun engem globale Konflikt enorm vergréissert, ass d’Tatsaach, dass d’Vereenegt Staaten a Russland verstäerkt direkt militäresch an déi lokal Konflikter, wéi z.B. a Syrien agräifen. An dat op verschiddene Säiten.
De russesche President Putin huet senge Regierungsmemberen erklärt – esou d’russesch Zeitung Kommersant – „firwat Russland den 30. September an en 3. Weltkrich agetruede wier“. Hien nennt di militäresch Aktioun a Syrien en „hellege Krich“. Fir d’éischt säit laanger Zäit stinn sech d’USA a Russland also erëm militäresch géintiwwer: an dat net nure a Syrien. Och am Persesche Golf kann dat sunnitescht Saudi-Arabien sech op säi gudden amerikanesche Frënd verloossen, wéi de schiiteschen Iran en treien Alliéierten zu Moskau huet. En anere potentielle Konfliktpunkt leit méi no bei eis. Di dräi baltesch Staaten – Membere vun der EU an der NATO – fillen sech vu Russland bedrot, dat ëmmer nees an hire Loftraum andréngt.
An ob mer d’Situatioun vun haut als 3. Weltkrich bezeechnen oder se mam 30-järege Krich aus dem 17. Jorhonnert vergläichen – eppes ass kloer: Aus der Geschicht léiere mer näischt. A fir d’Hannah Arendt ze paraphraséieren: Das Böse wird immer banaler.
De fräie Mikro vum Simone Beck:
Episoden
Aarm an agressiv
Projet de loi: héich Prisongsstrof fir aggressiivt Heesche virgesinn.
Dialog mam Bierger
Wéi wäert d’Diskussioun ronderëm d’Pensiounsreform lafen?
Iwwer de System
Virum Hannergrond vun de Presidentiellen an den USA eng Reflexioun iwwer eisen eegene politeschen Narrativ hei zu Lëtzebuerg.
Läit déi Kathoulesch Kierch um Stierwen?
Op de Griewer stoungen nees manner Leit wéi zejoert. Och de Poopst hat net grad Massen ugezunn. An den Äerzbëschof wëllt näischt méi vun der Caritas wëssen.
Bobigny a Mazan – zwee Prozesser, déi d’Gesellschaft veränneren
Virwat muss et zu spektakuläre Prozesser kommen, fir dass sech fir d’Fraen eppes ännert?
E Recht op Gesondheetsversuergung fir jiddereen!
Zu Lëtzebuerg liewe Mënschen ouni Krankeversécherung an ouni Zougang zu medezinescher Versuergung.
Allerhellgen, Allerséilen an Halloween
Vum Hierscht oder wann d'Luuchte bis ausginn
Männergewalt géint Fraen
Mir sichen dacks d'Schold bei den Affer a mir sichen no Excusë fir d'Täter
De Wanter ass scho laang do
Fräie Mikro vum Schrëftsteller a Literaturwëssenschaftler Samuel Hamen.
De Wanter ass scho laang do
Fräie Mikro vum Schrëftsteller a Literaturwëssenschaftler Samuel Hamen.
Firwat vill Reliounen "aus der Zäit gefall" wierken
Den Hugo Stamm huet viru Kuerzem am Sektenblog vum Schwäizer online Magasinn Watson eng spannend Analys publizéiert, wou hien opweist, wisou vill Reliounen a Sekten antiquéiert sinn an an hirer Existenz bedrot sinn.
