Fräie Mikro
Mat Bildungspolitik op d'Dogmen vum IS reagéieren
An engem moderne Sënn sinn Dogmen soss näischt, wéi intellektuell Wanderdünen. Wien dropsteet ass dovun iwwerzeegt op festem (also sécherem dogmateschen) Grond ze stoen. An nawell drift en lues awer sécher a virun allem onbemierkt fort. Op sou moderne Wanderdüne sëtzen noweislech politesch Parteien. Well déi sech nach ëmmer drop behaapten, Recht zu hunn an um séchere Wee ze sinn, och nodeems se selwer schonns laang gemierkt hunn op Holzweeër 'à la Heidegger' ënnerwee ze sinn. Op de selwechte Wanderdüne sëtzen och all déi radikaliséiert Ideologien. Sou och den islamesche Staat mam deklaréierte Wëllen en neit weltwäit Kaliphat anzeféieren.
Grad wéi aner radikal Gruppéierungen, ass den IS iwwerzeegt e géif seng dogmatesch Dün steieren, an net willkürlech wanderen an ofdreiwen. Genau deen Zoustand werfen se eisen demokratesche Strukture vir, a maachen eis dekadent Wäerte-Kultur dofir responsabel. De Wëllen sou Dogmen ze steieren huet och Resultater: Iwwer 130 Doudeger huet Paräis virun zwou Woche gezielt. Eng Sakgaass, voll Gewalt, Blutt, Trauer a Misère. Während fir d'Auteuren dës Sakgaass d'Zil ass, wëll déi europäesch a westlech Politik aus der Sakgaass eraus kommen. Sou huet d'Politik op en Neits enorm vill Ressourcë missen opbrénge fir dem Geschäft mat der Angscht ad hoc den Nährbuedem ze huelen. Ressourcen, déi weder ad infinitum zur Verfügung stinn, nach an hirer Wierkung éiweg gräifen. Zënter dem 13. November zéckt och den europäesche Bierger an iwwerleet sech op seng Schengen-Fräiheet dann nach sécher ass.
Sou modern Dogmen, also intellektuell Wanderdünen, kennen nëmmen een effikasst Géigemëttel: De gesonde Mënscheverstand a Gesetzer, déi sech dorops beruffen. Dat éischt ass d'Aufgab vu Bildungspolitik. Wann dat sou soll sinn, dat kritt dat neit Schoulfach 'Vie et Société' eng héich Erwaardungshaltung ze erfëllen. An der Hoffnung, datt dësen Dossier net just eng weider Wanderdün an eiser politescher Landschaft gëtt.
De fräie Mikro vum Jean-Luc Thill.
Episoden
Aarm an agressiv
Projet de loi: héich Prisongsstrof fir aggressiivt Heesche virgesinn.
Dialog mam Bierger
Wéi wäert d’Diskussioun ronderëm d’Pensiounsreform lafen?
Iwwer de System
Virum Hannergrond vun de Presidentiellen an den USA eng Reflexioun iwwer eisen eegene politeschen Narrativ hei zu Lëtzebuerg.
Läit déi Kathoulesch Kierch um Stierwen?
Op de Griewer stoungen nees manner Leit wéi zejoert. Och de Poopst hat net grad Massen ugezunn. An den Äerzbëschof wëllt näischt méi vun der Caritas wëssen.
Bobigny a Mazan – zwee Prozesser, déi d’Gesellschaft veränneren
Virwat muss et zu spektakuläre Prozesser kommen, fir dass sech fir d’Fraen eppes ännert?
E Recht op Gesondheetsversuergung fir jiddereen!
Zu Lëtzebuerg liewe Mënschen ouni Krankeversécherung an ouni Zougang zu medezinescher Versuergung.
Allerhellgen, Allerséilen an Halloween
Vum Hierscht oder wann d'Luuchte bis ausginn
Männergewalt géint Fraen
Mir sichen dacks d'Schold bei den Affer a mir sichen no Excusë fir d'Täter
De Wanter ass scho laang do
Fräie Mikro vum Schrëftsteller a Literaturwëssenschaftler Samuel Hamen.
De Wanter ass scho laang do
Fräie Mikro vum Schrëftsteller a Literaturwëssenschaftler Samuel Hamen.
Firwat vill Reliounen "aus der Zäit gefall" wierken
Den Hugo Stamm huet viru Kuerzem am Sektenblog vum Schwäizer online Magasinn Watson eng spannend Analys publizéiert, wou hien opweist, wisou vill Reliounen a Sekten antiquéiert sinn an an hirer Existenz bedrot sinn.
