Den 3. Mäerz 2009, also dësen Donneschden viru 7 Joer, ass dat historescht Archiv vu Köln agestierzt. Zejoert sollt en neit Archiv ageweit ginn. Elo heescht et, d’Gebei ass net virun 2019 fäerdeg. An de Nord-Süd-Metro, deen Enn 2009, also 9 Méint nom Ongléck, duerch den Ënnergrond jauwe sollt, wäert fréistens 2023 Gas ginn.
Op der anerer Säit ginn et awer och vill Progrèsen ze mellen: mat enger neier Computermethod ginn déi total zerfatzt Dossieren a Bicher vun elo un richteg zesummegesat. Virbild ass d’Technik, mat der d’Stasi-Ënnerlagen gerett konnte ginn. Domat loosse sech déi 2 bis 3 Millioune Fragmenter perspektivesch um Ecran zu ganze Säiten zesummesetzen. Bis d'Restauratioun vu sämtlechen Archivalien ofgeschloss wäert sinn, däerften awer nach emol 30 Joer an d'Land goen.
D’Kerstin Thalau mat Explicatiounen zu de verschiddene Retarden.
