De 4. Januar huet de Casino Lëtzebuerg, de Forum fir zäitgenëssesch Konscht, seng Dieren zougemaach. An der Ënneschtgaass gëtt nämlech eelef Woche laang geschafft, renovéiert an nei aménagéiert. De Grond: den 22. Mäerz 2016 feiert de Casino säin 20. Gebuertsdag. An dat net nëmme mat enger spezieller Gebuertsdagsparty, mee och mat enger neier Zeenographie.
"Ceci n’est pas un Casino" ass wuel dee Saz, deen am Casino-Accueil am meeschte fällt. En etlech Visiteure verwiesselen d’institutioun wéinst hirem Numm mat enger Gléckspillbank. "Ceci n’est plus LE Casino" misst et elo heeschen.
Bis den 22. Mäerz verwandelt sech de Rez-de-chaussée an eng Art Spillplaz fir zäitgenëssesch Konscht: Am Raum "Blackbox" ginn zum Beispill Videoinstallatoune gewisen, de Konschtatelier ass fir ganz kleng bis 60+ op, grad esou wéi den neie Ca(fé)sino an den Salons Saint Hubert, déi déi lescht 20 Joer zu den Ausstellungsraim gehéiert hunn.
D’Kerstin Thalau huet mam Nadine Clemens, der Pressespriecherin vum Casino, iwwert éischt Reaktiounen zum Chantier geschwat.
