D'Gewerkschaften aus dem Transportsecteur hunn en Donneschdeg de Moie géint de "Paquet routier" vun der EU-Kommissioun protestéiert. An deem Text ass ee Kapitel virgesinn iwwert d'Referenzperioden am Stroossen-Transport. Ënner anerem geet et em d'Verlängerung vun där Referendzperiod vun zwou op véier Wochen. Dat kéint zu méi sozialem Dumping féieren, soen d'Gewerschaften.
De Grand-Duché huet sech enger Allianz u Länner ugeschloss, déi géint den sozialem Dumping wëllt handelen, seet den Nohaltegkeets- an Transportminister François Bausch. Nieft de Benelux-Länner sinn et Frankräich, Däitschland an Italien grad ewéi Nët-EU-Memberlänner, déi géint de sozialen Dumping an der EU wëlle kämpfen. Déi fréier Ostblocklänner kritiséieren déi Positioun, wëll et an hiren Aen eng protektionistesch Haltung wier. Fir de François Bausch sinn d'Sozial-Konditiounen an deem Secteur awer net negociabel. Et bräicht een och keng nei Gesetzgebung an deem Beräich, mee et misst een derfir suergen datt déi aktuell Regelen och agehalen a kontrolléiert ginn.
Den Nohaltegkeetsminister hat iwwerdeems um Mëttwoch eng informell Reunioun mat den Transportministeren aus de Beneluxlänner an aus Éisträich, déi fuerderen, datt d'EU-Kommissioun soll iwwerpréiwen ob déi geplangte Maut an Däitschland konform ass zum EU-Recht. Éisträich wëll weiderhin eng Plainte géint déi däitsch Maut beim europäesche Geriichtshaff areechen.
