Album vun der Woch
Deerhoof - Mountain Moves
7 min
Deerhoof mécht Art Punk. E musikalesche Stil hannert deem villes stécht. Art Punk ass éischter en Ausdrock vu Verzweiwlung, well déi 1994 gegrënnte Formatioun vu San Francisco weder an e konventionellen - nach an en onkonventionellen Tirang passt. Mountain Moves ass en Iwwerraschungs-Ee. Kee vun de fofzéng Songs ass previsibel. Vu japaneschem Bubbelgum Pop iwwer Highway Rock n'Roll, Electro, experimentellem Jazz, Hard Rock, Tropicalia a spuenesch barock Kantaten ass de musikalesche Panorama immens breet gefächert. D'Kiischt um Kuch: eng Reprise vu Little Axe vum Bob Marley. Wat d'Approche an d'Schreiwe vu Mountain Moves ubelaangt, huet Deerhoof sech direkt un de leschten US-amerikanesche Presidentschaftswahlen inspiréiert, mat Referenzen un de Womens March. Vill Texter stinn als Hommage u vergaange politesch Protestaktioune mam Message un déi nei Generatiounen, sech ze manifestéieren. Deerhoof mécht Musek vun iwwermuer, wou usprochsvolle Wahnsinn mat Spaass a batterem Eescht a Symbios harmonéieren. De Philippe Hansen ass hell begeeschtert.
Episoden
Primal Scream - Come Ahead
D'Band bréngt no enger Paus vun aacht Joer en neien Album eraus, an dës Kéier si mir am Funk ënnerwee!
The Cure – Songs of a Lost World
En Album mat mat goteschem Rock a Reflexiounen iwwer Doud a Vergänglechkeet.
Porridge Radio - Clouds In The Sky They Will Always Be There For Me
Op hirem véierten Album “Clouds In The Sky TheyWill Always Be There For Me” loosse Porridge Radio den Emotiounen a Gittare fräie Laf.
Faux Real - Faux Ever
Eisen Album vun dëser Woch kënnt vun der franko-amerikanescher Band Faux Real an heescht „Faux Ever“.
The Smile - Cutouts
Jazz, Afrobeat, Mathrock a vill Radiohead-Afloss - sou presentéieren sech The Smile op “Cutouts”
Ezra Collective – Dance, No One’s Watching
Eisen Album vun dëser Woch ass eng Jazz-Fusion Plack, dréit sech ganz ronderëm den Danz, an danzt dobäi selwer. Danz verbënnt, an dat op vill Manéieren.
Bei sech ukommen
Wa sech eng Musekerin mat engem besonneschen Talent fir grouss Melodien, an e renomméierte Produzent begéinen, da sinn d‘Erwaardunge grouss.
Nilüfer Yanya - My Method Actor
Op hirem drëtten Album zerwéiert déi brittesch Musekerin hire soulegen Indierock a reechert dëse mat enger gudder Portioun Nonchalance un.
C'est Karma - How To Peel An Orange
Tëschent elektroneschem Pop a Gesellschaftskritik: Mat "How To Peel An Orange“ stellt déi Lëtzebuerger Musekerin C‘est Karma hiren Debut-Album vir.
Nick Cave and the Bad Seeds - Wild God
Op hirem 18. Album "Wild God“ zelebréieren Nick Cave and the Bad Seeds eng musikalesch Mass, an där si op ganz inspiréiert Manéier improviséieren.
Rosie Lowe - Lover, Other
Souleg, brachial a virun allem opulent - mat “Lover, Other” presentéiert déi brittesch Kënschtlerin Rosie Lowe een eklektesche Klangkosmos.
Foster The People - Paradise State Of Mind
Net méi just e One Hit Wonder, déi amerikanesch Indie-Pop-Band mëllt sech no enger Paus vu siwe Joer mat enger grousser a faarweger Plack.
Hamish Hawk - A Firmer Hand
Seng Lidder erziele Geschichten: De schottesche Singer-Songschreiwer Hamish Hawk begeeschtert mat "A Firmer Hand“, engem Konzeptalbum iwwer queer Bezéiungen.
Generéis bis an de Kär
Meshell Ndegeocello - No More Water - The Gospel of James Baldwin (Blue Note, 02.08.2024)
Alex Izenberg - Alex Izenberg and The Exiles
Op sengem véierten Album verbënnt deen amerikanesche Singer-Songwriter Retrosounds mat philosopheschem Storytelling.
RAH and The Ruffcats - Orile To Berlin
Tëschent Afrobeat a Soul, tëschent Nigeria a Berlin: Den Album "Orile To Berlin“ vun RAH & The Ruffcats passt perfekt an de Summer. Mat derbäi de Lëtzebuerger Perkussionist Jean-Luc Jossa.
Clairo - Charm
70s Soul a gebrachen Häerzer: op hirem drëtten Album “Charm” fënnt déi amerikanesch Musekerin Clairo hiren neie Sound.
Laughing - Because It's True
Laughing ass eng Supergroup aus Kanada, mat Membere vun Nap Eyes, Monomyth, Human Music a Fountains.
Loma - How Will I Live Without A Body
Am verschneiten engleschen Dorset ass den drëtten Album vum texaneschen Trio Loma entstanen. "How Will I Live Without A Body“ ass d‘Aarbecht vun enger Band, déi drop an dru war, ausernaner ze briechen.
