Klassik aktuell
E Chouer fir jiddwereen
Mat engem Stëmmungslidd iwwer d'Gesellegkeet an d'Drénke wollt den Dirigent Marc Dostert de Participante vum Online-Chouer an den Zäite vum Corona eng Freed maachen. Bei dëser zweeter Editioun hu ronn 50 Sängerinnen a Sänger matgemaach, déi sech eenzel bei sech doheem gefilmt an hire Clip erageschéckt hunn. Um Programm steet "Tourdion", e Lidd aus dem 16. Joerhonnert, dat dem Pierre Attaignant zougeschriwwe gëtt.
Drëtt Editioun mam Jeff Mack
Gläichzäiteg mat der Publikatioun vum Video vun der zweeter Editioun, lancéieren den 100,7 an den INECC den Opruff un all Interesséierte fir déi drëtt Editioun. Den Trompettist a Sänger Jeff Mack dirigéiert dës nei Editioun vum Lëtzebuerger Online-Chouer. Als Stéck proposéiert hien en eegent Arrangement vum bekannte Lidd "Down by the Salley Gardens". U sech wier et schonn e ganz aalt Lidd dat e bëssen aus der englesch-irescher Mythologie géif kommen, seet de Jeff Mack. Iwwer en anere Sänger wier hien dorop opmierksam ginn:
"Ech sinn iwwer den Andreas Scholl op dëst Lidd gestouss. Den Andreas Scholl huet dat als éischte Countertenor op der Night of the Proms gesongen. An dat huet mech esou faszinéiert, datt mech dat Lidd elo schonn iwwer déi lescht zéng Joer begleet."
Wéi matmaachen?
De Lëtzebuerger Online-Chouer ass op fir jiddwereen. Fir ze matzemaache ginn dräi einfach Schrëtt duer: Umellen, ophuelen an eraschécken. Nodeems ee sech iwwer d'E-Mail-Adress info@inecc.lu ugemellt huet, kritt een en techneschen How-To, d'Nouten an e Playback-Video geschéckt. Op dësem Video gesäit een de Jeff Mack dirigéieren an et héiert een d'Lidd "Down by the Salley Gardens". Wann een d'Nouten e bësse geüübt huet, filmt ee sech mam Smartphone, wärend ee synchron mam Playback-Video matséngt. Als lescht schéckt een den eegene Video dann un den INECC.
Episoden
Rainy Days 2024
Bei de Rainy Days dréit sech 2024 alles ëm d'Extremer.
Rainy Days 2024
Bei de Rainy Days dréit sech 2024 alles ëm d'Extreemer.
Prix Anne et Françoise Groben
Haut den Owend ass den 100,7 live dobäi, wa fënneft jonk Kandidate géinteneen untrieden. Den Haaptpräis sinn 10.000 €.
Filmmusek tëschent Bach an Techno
Fir de Francesco Tristano stellt d'Musek d’Géigewaart a Fro, andeems se sech op d’Vergaangenheet bezitt. Genee dat beweist hien am Ciné-Concert, bei deem hie mam Hayato Sumino Musek zum Stommfilm “Asphalt” spillt.
"Virun allem fillen ech staark Léift"
De Johan Perdigão spillt dem Robert Schumann säi Concerto fir Piano
Homogeen oder dach léiwer individuell?
Rieds ass vum Klang vum Bléiserquintett, enger Formatioun, bei där d'Kontraster tëschent den eenzelnen Instrumenter méi grouss bal net kéinte sinn.
No um Publikum
De Sänger Benedikt Wesner wëllt de Publikum mat a seng Musek zéien, esou, wéi wann e géif e Film erliewen.
40. Concours luxembourgeois pour Jeunes Solistes
Eng grouss Editioun mat 148 Kandidat:innen - D'Micky Thein, d'Direktesch vun der UGDA Musekschoul, verréit méi.
Rising Stars
Dee jonke Braatschist Sao Soulez Larivière spillt am Kader vun der Serie Rising Stars 17 Concerte queesch duerch Europa. Dorënner och een zu Lëtzebuerg an der Philharmonie.
"Ein Abend mit Dracula"
Halloween-Concert vun der Kammerata Luxembourg am Veianer Schlass
Die Sehnsucht nach dem Süden
De Wanter kënnt esou lues. Mee d'Solistes Européens, Luxembourg an d'Pepino Caliente Band hunn e sonnege Programm virbereet, voller Sonn a Freed.
Die Sehnsucht nach dem Süden
De Wanter kënnt esou lues. Mee d'Solistes Européens, Luxembourg an d'Pepino Caliente Band hunn e sonnege Programm virbereet, voller Sonn a Freed.
Fauré: méi a manner bekannt
De Requiem vum franséische Spéitromantiker ass ville geleefeg, mee net onbedéngt seng Motetten. Den Dirigent Gerry Welter weist méi Facettë vum Gabriel Fauré.
Zweet Editioun vum Salon de Helen Buchholtz
No der éischter Editioun am Kader vun der Kulturhaaptstad Esch2022, lancéiert de Salon de Helen Buchholtz seng zweet Concertserie.
Klassik Live: A Roman Holiday
D'Lëtzebuerger Philharmoniker spillen ënner der Baguette vum Gustavo Gimeno. Um Programm: Wierker vum Respighi, Poulenc an eng Uropféierung vum Lëtzebuerger Komponist Claude Lenners.
Live aus der Philharmonie
Mir iwwerdroe live de Concert vun de Lëtzebuerger Philharmoniker an der Philharmonie
Mezzo-Sopranistin Naama Liany
Am Gespréich iwwert hir musikalesch Karriär an ee Concert dëse Freideg an der Stad.
