"Oh, eine Pflanze" heescht en éischter ongewéinlecht Bestëmmungsbuch. Éischtens ass et net kleng a kompakt fir matzehuelen, mee am A4-Format an huet am Ganzen 303 déck Säiten. Op den zwou éischte Säite gëtt de kordialen an naiven Toun vun dësem Buch ageféIert. Mat op der Hand gekritzelte Groussbuschtawen leeft den Text bal onlieserlech iwwer d'Säit. Den Ofstand tëschent de Buschtawen an engem Wuert ass heiansdo genee esou grouss wéi tëschent zwee Wierder an d'Bezeechnung Gekrozels ass net ënnerdriwwen. Mee mat e bësse Rou kritt een et dann entziffert:
"Hallo lieber Pflanzenfreund, der du bist oder werden möchtest. In diesem Buch findest du Pflanzen, die du in unserer heimischen Natur entdecken kannst. Wie sie aussehen, wo sie leben und wie sie Sex machen. Schau dir die Seiten genau an. Vielleicht liest du auch die Texte. Das wäre stark. Aber dann geh raus und wende dein neu gewonnenes Wissen an."
