Dir hat et vläicht den 22. Januar an eisen Neiegkeete matkritt: den US-President Joe Biden wëllt den New-Start-Vertrag, mat deem d'Zuel vun den Atomwaffen an Amerika an a Russland limitéiert gëtt, ëm fënnef Joer verlängeren. D'Reaktioune vu Moskau ware positiv; ënner dem Donald Trump waren d'Verhandlungen nämlech gescheitert.
Och ëm en 22. Januar, allerdéngs viru 66 Joer, ass dem Edward Steichen seng berüümt Foto-Expo "The Family of Man" zu New York opgaangen. Gëtt et do e Bezuch zu der Aktualitéit? Jo, mengen d'Kerstin Thalau an d'Anke Reitz, déi Responsabel vun de Steichen-Collections zu Lëtzebuerg.
