Well den traditionelle Summerdag vun der Literatur den 18. Juli huet misse wéinst den Iwwerschwemmungen am Nationale Literaturarchiv ofgesot ginn, hate mir eng Rei Lëtzebuerger Schrëftstellerinnen a Schrëftsteller bei eis op de Radio invitéiert.
An der Emissioun VaLibrairie hunn de Yorick Schmit, d'Margret Steckel, de Joseph Kayser, de Jeff Schinker an d'Anne-Marie Reuter hir nei Bicher virgestallt a kuerz doraus gelies. D'Valerija Berdi huet an engem éischten Deel e Collage mat dräi Buchpresentatiounen zesummegefaasst.
