Al Schanken

100komma7.lu / Al Schanken

/ Special Keith Richards "Main Offender"

Special Keith Richards "Main Offender"

60 min

Lauschteren

25 Mäe. 2022 - 21h00

D'Rolling Stones ginn op Tournee an hire Gittarist wullt a senger perséinlecher Archivkëscht: fir säin zweete Soloalbum "Main Offender" (no "Talk is Cheap" aus dem Joer 1988) gëtt et eng 30th anniversary-Editioun a verschiddene Varianten, ë. a. mam Bonus-CD "Live in London". Et sinn dat Opname vum Richards mat senger Band The X-Pensive Winos vun der 1992er Promotion-Tour.

Fir de Re-Issue vum Album huet de Keith Richards dem amerikanesche Musekmagazin Rolling Stone en Interview ginn, aus deem mir Extraiten an dëser Stonn proposéieren. Musikalesch begleet vu sechs Albumtracks an zwee Live-Stécker vum Bonusalbum, am Original Jagger/Richards Kompositiounen aus dem Rolling Stones-Repertoire.

Op der Playlist stinn: "Wicked As It Seems", "999", "Eileen", "Yap Yap", "Words of Wonder", "Will But You Won't" an als live Tracks "Gimme Shelter" an "Happy".

Musek

Episoden

Paul Rodgers live

08 Nov. 2024 - 21h00

De Mann aus Middlesbrough zielt zu de grousse Stëmmen am Rockbusiness … a steet bis haut op ausverkaafte Bünen an am Studio: säi bis ewell leschten Album “Midnight Rose” koum am September 2023 eraus.

Et geet ëm d‘Lidd

01 Nov. 2024 - 21h00

It’s all about the song: op Allerhellege geet et an der Haaptsaach ëm d’Lidd ... an dofir stinn dann och Nimm aus dem Genre Singer/Songwriter op der Playlist.

It’s only rock’n’roll…

18 Okt. 2024 - 21h00

…but I like it: de Songtitel aus dem Rolling Stones Album mam selwechten Numm aus dem Oktober 1974 kéint duerchaus och de Motto vun hirer Karriär sinn.

Bob Dylan – live & revisited

11 Okt. 2024 - 21h00

Den 28. Oktober kënnt de Bob Dylan, no sengem Optrëtt am Abrëll 2017, eng weider Kéier an d‘Rockhal. An den Ale Schanken proposéiere mir Extraiten aus zwee Live-Albumme vun him an eng etlech Coverversiounen.

Calexico live

04 Okt. 2024 - 21h00

“Feast Of Wire” ass dee 4. Studioalbum vun der US-Indie-Band Calexico, déi reegelméisseg Tex-Mex-Kläng an hire Kompositiounen derbäi hunn. Hir Heemechtsstad Tucson/Arizona ass net ze iwwerhéieren.

Eng nei Saison fir déi al Schanken!

27 Sep. 2024 - 21h00

Beim Grëff an déi musikalesch Archivkëscht kënnt Dir Lidder “vun deemools“ erëmhéieren oder awer nei entdecken. Et si bekannten Nimm derbäi an där, déi scho bal an de Vergiess gerode sinn ...

Thin Lizzy & Chappo live!

Vertounte Geschichten

26 Juli 2024 - 21h00

Eng Stonn an där mir am Genre "Songwriting“ ënnerwee sinn, mat Geschichten, déi an de leschte Joren a Joerzéngte vertount an erzielt goufen ...

Paul Weller live

19 Juli 2024 - 21h00

Rock a Pop fir erëmzehéieren oder fir ze entdecken.

Osibisa live

12 Juli 2024 - 21h00

Osibisa ass d’Band ronderëm de Saxofonist Teddy Osei aus dem Ghana - hien huet d’Formatioun 1969 zesumme mat afrikaneschen a karibesche Museker gegrënnt.

Rare Earth live

05 Juli 2024 - 21h00

Rare Earth aus Detroit Michigan war eng vun de rare Formatioune mat wäisse Museker, déi Enn de Sechzegerjoren um Label Motown aktiv war.

Back to the seventies (2/2): 1975-1979

28 Juni 2024 - 21h00

Rock a Pop sinn no knapps engem Joerzéngt net méi aus der Jugendkultur ewechzedenken - a wéi ze erwaarden zitt d’Musekindustrie séier mat a séchert sech hiren Undeel um massive Konsum.

Back to the seventies (1/2): 1970-1974

21 Juni 2024 - 21h00

Nodeems Rock a Pop sech an de Sechzeger Joren hir Plaz an der Musekskultur erspillt hunn, geet d’Erfollegsgeschicht dat Joerzéngt duerno monter weider.

Revisited

14 Juni 2024 - 21h00

Coverversioune vu Lennon/McCartney a vun Jagger/Richards - et erkennt ee se wuel erëm, mee vill dovunner droen zousätzlech d’Handschrëft vun deenen, déi se interpretéieren.