Salut am Kannereck um Radio 100,7. Et weess net wéi dat bei iech ass a war, mä als Kand do gouf et esou e Rendezvous op Televisioun wou doheem ëmmer mat der ganzer Famill gekuckt gouf. An dat war Joer fir Joer d'Final vum Grand Prix d'Eurovision de la Chanson, haut heescht dee Gesangsconcours Eurovision Song Contest oder kuerz ESC. Vläicht wäerten är Elteren datt och den Owend maachen, well haut den Owend ass d'Final vum Eurovision Song Contest 2022 zu Turin
Dëse internationale Gesangsconcours, dee wéi gesot, fréier Grand Prix d'Eurovison de la chanson geheescht huet, gëtt schonn zanter 1956 all Joers organiséiert gëtt, dat heescht schonn iwwer 65 Joer, mat just enger Ausnam dat war 2020 a kloer Schold dodrun hat de Corona-Virus. Bei dësem Concours kënnen all Länner mat maachen déi Member vun der EBU sinn, datt ass e Veräin wou d'Radioen aus Europa zesumme dra sinn, mat och e puer Länner baussent Europa, wéi Israel, Libanon, Marroko oder och Australien.
Normalerweis gëtt de Concours an deem Land organiséiert, dat de Grand Prix am Joer virdru gewonnen huet. An d'lescht Joer huet d'Rockmusker vun "Maneskin"aus Italien d'ESC-Final zu Rotterdam gewonnen, a dofir ass d'Final haut den Owend an der italienescher Stad Turin.
Lëtzebuerg huet am ganzen 37 Mol beim Eurovision Song Conest matgemaach an de Grand Prix am Ganze fënnefmol gewonnen. Eist Land läit domat op der drëtter Plaz an der Lëscht vun de Gewënner, zesumme mat Frankräich a Groussbritannien. Déi mécht Victoiren beim ESC huet Irland, si hu 7 Mol gewonnen, dono kënnt Schweden mat 6 Victoiren D'Gewënner fir Lëtzebuerg waren de Jean Claude Pascal, d'France Gall, d'Vicky Leandros, d'Anne Marie David an d'Corinne Hermes. Déi lescht Kéier huet Lëtzebuerg 1993 bei der Eurovisoun matgemaach, deemools mat Jimmy Martin an dem Simone Weis als Duo "Modern Times". An zanter ass Lëtzebuerg leider net méi derbäi.
Esou lo wësst der ëm wat et beim ESC geet.
Dann bei eist Experiment vun dëser Woch mam Michèle. Wann een zu Iech géif soen kommen mer stllen kal a waarm Waasser iwwerteneen, ech mengen da géif der bestëmmt de Kapp rëselen. MA genee dorëms geet et awer bei eisen Experiment, an d'Michèle Weber erkläert dem Jean Claude Majerus elo direkt ëm wat et geet.
Hei dann nach de Link vum Experiment: https://www.tiktok.com/@science.lu/video/7005551434116713733?is_copy_url=1&is_from_webapp=v1
