Den Jerry Garcia huet Enn de Sechzeger/Ufanks de Siwwenzeger als songwriter, Leadgittarist a Sänger vun der US-Formatioun Grateful Dead Rockgeschicht geschriwwen, e.a. mam Genre 'Jam' wou laang an improviséiert Live-Optrëtter fir Begeeschterung bei de Fans gesuergt hunn.
Eng Partie vu sengen deemolegen Dead-Matmuseker - Phil Lesh, Bob Weir, Bill Kreutzmann a Mickey Hart - haten sech mat Gäscht am Mee 2015 am US-Bundesstaat Maryland fir eng Tribute-Nuecht zesummegedoen, déi ënnert dem Titel 'Dear Jerry: Celebrating The Music Of Jerry Garcia' och als Duebelalbum erauskomm ass. Invitéeë waren e.a Peter Frampton, Jorma Kaukonen vun Jefferson Airplane, Los Lobos, Allen Toussaint, Jimmy Cliff ... . Zesummen hu si eng Hellewull al Grateful Dead-Klassiker nei interpretéiert
Den Jerry Garcia ass de 9. August 1995 am Alter vun 53 Joer gestuerwen. Wien u senge ville side projects interesséiert ass, sollt sech den Dokumentarfilm "Grateful Dawg' (2000) ukucken, wou iwwer seng Zesummenaarbecht mam anere Säite-Spezialist a Mandolinist Dave Grisman riets geet. Déi zwee hunn zesummen och eng Koppel Albumen opgeholl.
D'Playlist vun haut:
The Real People - Can't Breathe (What's On The Outside, 1996)
Afghan Whigs - Algiers (Do The Beast, 2014)
Richard Ashcroft - Lucky Man (Acoustic Hymns, Vol.1, 2021)
Beth Orton - Best Bit (Best Bit, 1997)
Chip Taylor feat. Carrie Rodriguez - Wild Thing (Live From The Ruhr Triennale, 2005)
Courtney Barnett - Don't Apply Compression Gently (The Double EP: A Sea Of Split Peas, 2013)
The Jerry Garcia Tribute Band - Fire On The Mountain live (Dear Jerry: Celebrating The Music Of Jerry Garcia, 2016)
The Jerry Garcia Tribute Band - Sugaree live (Dear Jerry: Celebrating The Music Of Jerry Garcia, 2016)
The Jerry Garcia Tribute Band - Touch Of Grey live (Dear Jerry: Celebrating The Music Of Jerry Garcia, 2016)
Nada Surf - What Is Your Secret (The Weight Is A Gift, 2005)
Magnolia Electric Co. - The Dark Don't Hide It (What Comes After The Blues, 2005)
Ashton, Gardner & Dyke - Resurrection Shuffle (single, 1970)