Radioen

On air

  |  

play_arrow Live
arrow_back_ios

Al Schanken

100komma7.lu / Al Schanken

/ Al Schanken

Al Schanken

headphones

60 min

Lauschteren play_arrow

Rock a Pop maachen dës Kéier Plaz fir de Blues, dorënner eng etlech Live-Nummeren, bei deenen net onbedéngt op d'Auer gekuckt gëtt!


De Blues-Pionéier John Mayall streckt esou säi Klassiker "Room To Move" aus dem Joer 1969 an enger méi rezenter Opnam op eng eelef Minutten a weist dobäi, wat een aus der Mondharmonika alles eraushuele kann. De Gittarist a senger Band The Bluesbreakers ass de Walter Trout.


"Winter" ass e manner gespillte rouegen Track um Rolling Stones-Album "Goats Head Soup" (1973). Hei hat de Mick Taylor deemools d'Plaz vum Keith Richards ageholl fir d'Gittaraarbecht. Den Taylor huet dëst Stéck 1990 nach emol zu Hollywood mat der kalifornescher Musekerin a Sängerin Carlo Olson um Live "Too Hot For Snakes" opgeholl, dat och an enger däitlech méi laanger Versioun wéi bei de Stones.


Den New Yorker Gittarist a Sänger Joe Bonamassa, Joergang 1973, huet zanter Ufank den 2000er net manner wéi 18 Live-Placken op de Maart bruecht, woubäi hien de Blues a ville Formen deklinéiert - en Topkënschtler, deen ë. a. och duerch seng Zesummenaarbecht mat der Beth Hart bekannt gouf.


D'Playlist:



B.B. & The Bluesshacks - Businessman (Businessmen, 2014)

Gregg Allman - Rendezvous With The Blues (Searching For Simplicity, 1997)

Kenny Wayne Shepherd - Blue On Black (Trouble Is ..., 1997)

Johnny Winter - Mother-In-Law Blues (Raisin' Cain, 1980)

Joe Bonamassa - Cadillac Assembly Line (Live At The Greek Theatre, 2016)

Joe Bonamassa - Shake For Me (Muddy Wolf At Red Rocks, 2014)

Joe Bonamassa - Let The Good Times Roll (Live At The Greek Theatre, 2016)

Carla Olson & Mick Taylor - Winter (live) (Too Hot For Snakes, 1991)

John Mayall - Room To Move (live) (The Power Of The Blues, 1990)

Ronnie Earl & Duke Robillard - West Side Shuffle (The Duke Metts The Earl, 2005)




Episoden

Fluid architecture

D’Lidd steet an der éischter Rei ... an et ass de Stoff fir Geschichtenerzielerinnen an - Erzieler, déi erlieften oder erduechte Momenter op hir eege Manéier vertount hunn.
headphones

60 min

play_arrow

Technicolour Dreams

Et geet an dëser Stonn virun allem eran an d’Enn Sechzeger mat Tracken, déi dacks vu legalen a besonnesch illegale Substanzen nëmmen esou strotzen.
headphones

60 min

play_arrow

The Pretenders an de Bléck op de Concertskalenner

Déi US-brittesch Band The Pretenders, 1978 gegrënnt, haten éischt Hallschent vun den 80er weltwäit eng etlech Erfolleger an den Charts ze verbuche sinn - dräi dovunner lafen an dëser Stonn an de Live-Tracken.
headphones

60 min

play_arrow

Jerry Garcia live

De Bandleader vun der legendärer US-Jamrock-Formatioun Grateful Dead huet och mat eegener Band an a villen Zesummenaarbechte Placken erausbruecht, laang Stécker, mat villen Improvisatiounen.
headphones

60 min

play_arrow

Op eiser Playlist stinn eng etlech Tracken aus dësem Genre mat Interpreten an Interpretinnen, déi sech Zäit dofir huelen - déi meescht Lidder an dëser Stonn ginn iwwer 6, 7 oder méi Minutten
headphones

60 min

play_arrow

Keb‘ Mo‘ live

Am Asaz an dëser Stonn ass dem Kevin Moore säin duebele Live, “The Hot Pink Blues Album” vun 2017. E Wierk, dat dem Keb‘ Mo‘ seng Karriär a säi Mix aus Songwriting an dacks liicht verjazztem Blues beschtens erëmgëtt.
headphones

60 min

play_arrow

In concert

Véier Mol geet et an dëser Stonn an de Concert: ë. a. d‘Amerikanerin Beth Hart ass Invitée vun den zwee Top-Gittaristen Joe Bonamassa a Jeff Beck.
headphones

60 min

play_arrow

Entspaant op Vältesdag

Gemittleche Rock, dacks akustesch virgedroen, relax an ofgehaangen Tracks, vun Zäit zu Zäit e klenge Schotz Groove: op Vältesdag geet et an der Emissioun éischter entspaant zou.
headphones

60 min

play_arrow

Special Marianne Faithfull

Mat Live-Opnamen erënnere mir an dëser Stonn un d’Marianne Faithfull. Déi englesch Musekerin an Actrice ass den 30. Januar am Alter vun 78 Joer gestuerwen.
headphones

60 min

play_arrow

Nick Cave an David Bowie live

Am Juni 2000 war den David Bowie Gaascht vun der BBC an där hirem Music Theatre zu London an am Abrëll ginn et 25 Joer, datt den Nick Cave a seng Band The Bad Seeds den Album “The Good Son” publizéiert hunn.
headphones

60 min

play_arrow

The New Barbarians Live

Hannert dësem Bandnumm verstoppt sech e Side Project vum Rolling Stones-Duo Ron Wood / Keith Richards.
headphones

60 min

play_arrow

Down Macon, Georgia

De Sound vun der legendärer southern rock-Formatioun The Allman Brothers Band ass den Owend omnipresent.
headphones

60 min

play_arrow

Carla Olson a Mick Taylor live

Am Repertoire vum Duo Carla Olson / Mick Taylor ginn et eng Hellewull Erënnerungen un de Sound an un d’Kompositioune vun de Rolling Stones ...
headphones

60 min

play_arrow

Cactus live

Haarde Rock mat engem Schotz Boogie oder Blues - dat war d’Rezept vun der US-amerikanescher Band Cactus, déi aus fréiere Membere vu Vanilla Fudge entstanen ass.
headphones

60 min

play_arrow

Let’s go live!

Mam Eric ‘Slowhand’ Clapton, mat der argentinesch-texanescher Kombinatioun LA Mississippi / Billy F. Gibbons (a ZZ TOP-Repertoire!) a mat Kult aus Australien, dem Angus & Co an hirem éischte Live-Album
headphones

60 min

play_arrow

Zeréck am Ring!

Déi eng hunn no 16 Joer Paus erëm en Album erausbruecht deen - düster a voller Weltschmäerz - iwwerzeegt, déi aner versti sech erëm no munch Divergenzen a ginn op eng direkt ausverkaaften Tour: The Cure an Oasis.
headphones

60 min

play_arrow

Ian Hunter and Calvin Russell live

Mott The Hoople war ufanks de 70er Joren d’Formatioun vum Ian Hunter (Joergang 1939). Support koum deemools vum David Bowie ...
headphones

60 min

play_arrow

Catfish live

Mat Catfish ronderëm de Bandgrënner Bob Hodge kënnt an dëser Al Schanken-Stonn eng net esou bekannte Band an den Asaz.
headphones

61 min

play_arrow

Paul Rodgers live

De Mann aus Middlesbrough zielt zu de grousse Stëmmen am Rockbusiness … a steet bis haut op ausverkaafte Bünen an am Studio: säi bis ewell leschten Album “Midnight Rose” koum am September 2023 eraus.
headphones

60 min

play_arrow

Et geet ëm d‘Lidd

It’s all about the song: op Allerhellege geet et an der Haaptsaach ëm d’Lidd ... an dofir stinn dann och Nimm aus dem Genre Singer/Songwriter op der Playlist.
headphones

60 min

play_arrow