Dausende Leit hunn an der Tëschenzäit de Wee an de Kannermusée Plomm fonnt. De jonke Public zesumme mat erwuessene Begleetpersounen huet un éischte geféierte Visitten duerch de Bam vun de Geschichten an duerch d’Ausstellung LOVE deelgeholl, awer och déi verschiddensten Atelieren ausprobéiert.
Mat de Partner der Gemeng Wolz, dem Ministère de l’Education nationale, de l’Enfance et de la Jeunesse an dem Ministère de la Culture genee esou wéi mat de Partner vun der Ausstellung LOVE, dem Ministère de l’Agriculture, de l’Alimentation et de la Viticulture, der Fondation Sommer, der CFL an der BGL, goufen a ginn an enkem Kontakt weiderhin u flotte Projete geschafft.
Aktuell bereet de Kannermusée sech op d’Summersaison vir. Ronderëm d’Ausstellunge gouf e Programm entwéckelt, deen elo am Mee start a bis September leeft. Parallel dozou gëtt um Plomm-Café geschafft, un engem Graffiti-Projet fir de Campus Geenzepark an enger Kënschtlerresidenz 2026.
Explikatiounen huet d’Manon Eicher vum Kannermusée Plomm. (www.plomm.lu)