Aus dem Liewen

An Zesummenaarbecht mat der UNI München gouf de KIB, Kinder-im-Blick-Cours ausgeschafft. Eltere kënnen hei an engem Grupp mat zwee Formateuren hir Kompetenze reflektéieren an ausbauen. Am Fokus stinn d‘Bedürfnisser vum Kand, awer och d’Bezéiung vun den Elteren zum Kand no enger Trennung. Ausserdeem kënnen d’Eltere léieren, méi geloosse mat Stresssituatiounen ëmzegoen. Last but not least kréien si Input fir, am Interesse vum Kand, ugemoosse mateneen ëmzegoen. Loscht méi gewuer ze ginn? Explikatiounen huet d’Lis Thomé, si ass eng vun de sechs Formateuren a Formatricen aus dem Familljen-Center. (www.familljencenter.lu)