Aus dem Liewen

Dee klenge verstoppte Gaart „Ënner dem Kiischtebam“ nieft dem Naturmusée ass elo zënter just engem Joer fir de Public op. Hei fënnt een en naturnoe Blummegaart mat souwuel gäertnereschen Zierstauden wéi och villen eenheemesche Wëllstauden, esou datt do dat ganzt Joer iwwer eppes blitt. Wéi an all Gaart sinn eng ganz Rëtsch vun deene schéine Planze gëfteg an et sollt ee se net iessen. Den Naturmusée huet awer drop opgepasst fir Planzen ze benotzen, déi ouni den Asaz vu cheemesche Pestizide produzéiert goufen. Schliisslech sollen dës Planze jo eisen Insekten e Liewensraum bidden an net hir Ëmwelt vergëften. Méi Informatiounen huet den Thierry Helminger vum Naturmusée.