"Je suis sur scène comme dans la vie" - dat verréit eis de Renaud Capuçon an engem Gespréich. Beim Concert haut (27.3.) den Owend an der Philharmonie steet hien am Mëttelpunkt. De franséische Geiist trëtt weltwäit op, an dat net nëmme mat senger Gei, mee och als Dirigent. Bei dësem Concert huet de Museker och déi zwou Kapen un.
"Man muss jung sein um gute Dinge zu tun" - dat Zitat vum Goethe passt ganz gutt bei de Programm vum Concert, well all Wierker hunn de Beethoven, Mozart a Mendelssohn wärend hirer Jugend komponéiert.
Dëse Concert iwwerdroe mir haut den Owend live um opus 100,7 a radio 100,7 (Donneschdeg, de 27. Mäerz) vun 19:30 un aus der Philharmonie. Et ass eng gemeinsam Iwwerdroung mam SR Kultur, déi vu Marie Schockmel a Maria Gutierrez moderéiert gëtt.
D'Opnam vun dësem Concert kënnt Dir no der Diffusioun nach eng Woch laang hei an der Mediathéik nolauschteren.
Programm:
• Ludwig van Beethoven: "Die Geschöpfe des Prometheus op.43": Ouverture
• Wolfgang A. Mozart: Concerto fir Gei Nr. 3 KV 216
• Felix Mendelssohn Bartholdy: Symphonie Nr. 3 "Schottische"
Interpreten:
• Lëtzebuerger Philharmoniker
• Renaud Capuçon, Direktioun & Gei