Muar ass et op den Dag genee 80 Joer hier, dass d’Ardennenoffensiv am Éisléck ugefaangen huet. Gëschter huet Lëtzebuerg um Militärkierfech zu Hamm den amerikanesche Befreier Merci gesot fir hire bluddegen Asaz virun 8 Jorzingten.
Op d’mannst zwee Doudeger: Dat ass de provisoresche Bilan vum Passage vum Zyklon Chido op der franséischer Insel Mayotte. D’Situatioun do wär dramatesch, an de Bilan vun den Doudesaffer dierft nach an d’Luucht goen.
Bierchem gewënnt en enke Spëtzematch am Hären-Handball zu Esch, an d’Spëtzepartien am Dammen-Basket ware méi däitlech fir de Gringewald a fir Konter: Dat sinn Iwwerschrëften am Sport.