1. De Premier Luc Frieden ass haut zu Paräis, op engem Sommet vun 31 Länner - déi beroden, wéi si d‘Ukrain weider ënnerstëtzen
2. De Mouvement écologique iwwerleet aktuell fir och op EU-Niveau géint déi aktuell Reform vum Naturschutzgesetz virzegoen
3. Den amerikanesche President Donald Trump huet der EU a Kanada mat nach méi héijen Douanestaxe gedreet, dat fir de Fall, dat si zesummeschaffen an den USA ekonomesche Schued maachen
4. Am Südsudan huet sech d‘Situatioun weider zougespëtzt. De Vizepresident Riek Machar gouf ënner Hausarrest gestallt
5. An Israel gouf de Moien e Gesetz gestëmmt, mat deem d‘Politik méi Afloss op d‘Nominatioun vu Riichter kritt