Enn Februar war den Ex-Policegeneraldirekter Pierre Reuland am éischte Prozess wéinst Falschausso am initiale Prozess vun 2013 an 2014 zu dräi Joer Prisong mat Sursis an zu enger Geldstrof vu 5.000 Euro verurteelt ginn.
Fënnef Fräispréch an éischter Instanz
Den Affekot vum fréiere Policegeneraldirekter, de Me Assa, huet nom Urteelssproch fir säi Client Appell ageluecht. Och de Parquet ass géint déi véier deemoleg héich Responsabel vun der Gendarmerie an Appell gaangen, net awer géint déi zwee Matugeklote Marcel Weydert a Guillaume Büchler.
Am zweete Bommeleeër-Prozess war et an éischter Instanz zu fënnef Fräispréch kommen. Just den Ex-Policegeneraldirekter Pierre Reuland war zu enger Prisongsstrof condamnéiert ginn.
"Et war net keen"
Tëschent Mee 1984 a Mäerz 1986 war et, virum Hannergrond vum Kale Krich, zu 20 Attentater op Infrastrukturen an ëffentlech Gebaier am Land komm. Bis haut ass net gewosst, wien dofir verantwortlech war.
