Wéinst der presuméierter Bedruchsaffär am Immigratiounsberäich hat den CSV-Minister virun zwou Wochen en Audit annoncéiert.
Onofhängeg vun der Justizenquête
Elo gëtt präziséiert, datt deen Audit en administrative Charakter soll hunn, an onofhängeg wier vun der Justizenquête, déi zënter e puer Joer leeft.
Zil vum Audit wier d’Gouvernance an d’intern Kontrollen am Département étrangers vun der Direction de l’immigration ze analyséieren.
Den Inneministère widderhëlt och, datt bis haut dräi Agente vun der Immigratiounsdirektioun wéinst der Justizenquête suspendéiert sinn. Zwee anerer waren d’lescht Joer fräigestallt ginn, schaffen awer mëttlerweil nees, heescht et am Communiqué.
