De Bilan vum Héichwaasser, dat zanter dem Weekend Mëttel- an Ost-Europa trefft, ass op d'mannst op 16 Doudeger geklommen, dovu 7 a Rumänien. Doudesaffer gouf et och an Éisträich, der tschechescher Republik a Polen.
D'Héichwaasser huet sech plazeweis stabiliséiert, mee d'Situatioun bleift kritesch op anere Plazen. An der slowakescher Haaptstad Bratislava ass d'Donau iwwer d'Ufere gelaf an huet Deeler vun der Alstad iwwerschwemmt.