De Ruy Pinto ass neien Interim-CEO vun der Luxembourg Space Agency. Dat huet déi national Weltraum-Agence matgedeelt. Hien ass domat de Nofollger vum Marc Serres. De Ruy Pinto hätt eng joerzéngtelaang Erfarung am Space-Secteur heescht et nach am Communiqué. Säi Kontrakt leeft elo mol fir 6 Méint.
D'LSA gouf 2018 vum Economiesministère gegrënnt a soll en nationale Weltraumsecteur zu Lëtzebuerg entwéckelen.
De Marc Serres huet d'Space Agency op eegene Wonsch verlooss a geet elo an d'Privatwirtschaft schaffen, wéi mir op Nofro hi matgedeelt kruten.
